Nabi Sallallaho Alaihi Wasallam Ko HASAN AUR HUSAIN Raziallahu Anhu Se Kitni Mohabbat Thi? (Kuch Waqiyaat)

Nabi Sallallaho Alaihi Wasallam Ko HASAN AUR HUSAIN Raziallahu Anhu Se Kitni Mohabbat Thi?(Kuch Waqiyaat)

 

 

 *1-Usama Bin Zaid Ek Raat Kisi Jaroorat Se Nabi Sallallaho Alaihi Wasallam ke Pass aaye, Aap Nikle To Aap Ek Aisi Cheez Lapete Hue the, Jise me Nahi Jaan Paa Raha tha ki Kya Hai(Fir Maine Pucha) Ye kya Hai jisko Aap Lapete hue Hai?*

 

*To Aap Sallallaho Alaihi Wasallam ise Khola To Hasan Aur Husain Razi. The,Aap ke kule me Chipke hue the Fir Aap ne  farmaya-“YE Dono Mere Bete Aur Nawase hai,Ae Allah Mai In Dono Se Muhabbat Karta ho, To bhi inse Muhabbat kar Aur Usse bhi Muhabbat kar Jo Inse Muhabbat kare*

(SUNAN TRIMIZI HADEES NUMBER-3769)

 

 

 *2-Yaa’Li Bin Marhar Razi. Nabi Sallallaho Alaihi Wasallam ke sath Khane ki Ek Dawat Me nikle Dekha To HUSAIN RAZI. Gali me khel Rahe hai Nabi logo se Aage Nikal gye Aur Apne Dono hath Faila liye,HUSAIN Bacche the(wo) ider uder Bhagne lage Aur Nabi in ko hasane lage yaha tak ki In ko pakad liya Aur Apna Ek Hath inki thohri ke beech me Aur doosra Sar par Rakh kar Busa(Chum)Liya Aur*

 

*Farmaya-“Husain Mujh Se hai Aur Mai Husain se ho, Allah Usse Muhabbat Rakhe Jo Husain se Muhabbat Rakhe Aur Husain Nawaso me se Ek Nawasa hai”*

(SUNAN IBNE MAJA HADEES NUMBER -144, SUNAN TRIMIZI HADEES NUMBER -3775)

 

 

 *3-Buraida Razi.Kehte hai  NABI Sallallaho Alaihi Wasallam Hame khutba de rahe the ki Achanak HASAN AUR HUSAIN RAZI. Dono Surkh kameez Pahne Hue Girte Padte Chale Aa Rahe The,Aap Sallallaho Alaihi Wasallam Mimber se Utar kar In Dono ko utha liya Aur Inko lakar Apne Samne bitha liya Aur*

 

*Farmaya-“Allah Ne Sach Farmaya hai’tumharay maal aur tumhari aulad to tumharay liye aik aazmaesh hain ,Aur woh Allah hi hai jiss kay paas bara ajar hai’(Sure Taghabun 64:15)*

 

*Maine In Dono ko Girte padte aate hue dekha To Sabr nahi kar Saka yaha tak ki Mai Apni baat Rook kar Mai ne Inhe utha liya”*

(SUNAN TRIMIZI HADEES NUMBER 3774,SUNAN ABU DAUD NUMBER  1109, SUNAN IBNE MAJA HADEES NUMBER 3600, SUNAN NISAI HADEES NUMBER 1414,1586)

 

 

 *4-Shaddat Razi. Kehte hai Magrib ya Isha ki Namaz ke liye Allah Ke Rasool Tasreef Laye To Aap Ne HASAN YA HUSAIN ko Utha Rakha tha,Aap Namaz padhane ke liye aage badhe Aur bacche ko Neeche Rakh Diya, Fir Namaz ke liye Takbeer E Tahrima kahi To Namaz shuru kar di,*

 

*Namaz ke Darmiyan me aap ne Ek Sajda Bahut lamba kar diya,Maine Sar utha Kar Dekha to Baccha Rasool ki Pusht par Baitha tha Aur Aap Sajde Me The,Mai Dobara Sajde me Chala gya,*

 

*Jab Rasool ne Namaz puri Farmai To Logo ne guzarish ki “Ae Allah ke Rasool Aap ne Namaz ke darmiyan me Ek sajda is kadar Lamba kiya ki ham ne Samjha koi Hadsa ho gya hai ya Aap ko Wahi(Allah ka kalaam) Aane lagi hai, Aap Sallallaho Alaihi Wasallam ne Farmaya-“Aisa Kuch Bhi Nahi hua, Balki Mera Beta Meri Pusht par Sawar ho gya To Mai ne Pasand na kiya ki Ise Jaldi Me Fauran Utar do Hatta ki wo Apna dil khush kar le”*

(Sunan Nisai hadees number 1142)

 

 

 *5-Abu Huraira Dausi Razi. Aap Sallallaho Alaihi Wasallam ke sath NAQA Ke Bazar Me Aaye Fir Wapas hue aur Fatima Razi. Ke ghar ke Aangan me Bait Gye Aur Farmaya –“Wo Baccha Kaha Hai, Wo Baccha Kaha Hai?*

 

*Fatima Razi. Kisi kaam ki wajah Se Fauran Aap Sallallaho Alaihi Wasallam ki khidmat me Hazir na ho Saki, Maine Khayal Kiya Mumkin Hai HASAN RAZI. Ko Kurta Pahna Rahi ho ya Nehla rahi ho!*

 

*Thodi Der baad HASAN RAZI. Daudte(🏃) hue Aaye Aapne Inko Seene se Laga liya Aur Bosa(chuma) liya, Fir Farmaya-“Ae Allah Ise Mehboob Rakh Aur Us Sakhs Ko bhi Mehboob Rakh Jo Isse Muhabbat Rakhe”*

(SAHIH BUKHARI HADEES NUMBER 2122)

 

*==================*