Hazrat fatima Raziallahu Anha Ke Fazail

Hazrat fatima Raziallahu Anha Ke Fazail

 

*1-Nabi Sallallaho Alaihi Wasallam ne Farmaya-"Fatima Mere Jism ka Tukra hai Isliye Jisne Ise Nahaq Naraz Kiya Usne Mujhe Naraz Kiya*

(SAHIH BUKHARI HADEES NUMBER-3714)

 

 

 

*2-Nabi Sallallaho Alaihi Wasallam Mimber Par Farma rahe the ki Abu jahal ke bhaiyo(Haris bin hisham aur salim bin hisham)ne apni beti ka nikah Ali Razi. Se karne ki mujhse Ijajat mangi hai lekin mai unhe Hargiz ijajat nahi dunga Yakikan mai iski ijajat nahi dunga,Hargiz mai iski ijajat nahi dunga*

 

*Albatta Ali Meri beti Fatima Ko Talaq De Aur Unki Beti se Nikah karna chahe to mai isme Rukawat Nahi Banuga*

 

*"Kyuki Fatima Mere Jigar ka Ek Tukra Hai, jo Isko Bura lage Wo Mujh ko bhi Bura Lagta hai Aur Jis Cheez se ise Takleef Pahuchti hai, isse mujhe bhi Takleef Pahuchti hai*

(SAHIH BUKHARI HADEES NUMBER -5230, SAHIH MUSLIM HADEES NUMBER-6307)

 

 

 

*3-Aisha Razi. Kehti hai Maine Uthne Baitne ke taur Tareeke Aur Aadat wa Khaslat me Fatima Razi. Se Jyada Nabi Sallallaho Alaihi Wasallam ki Mushabah(Nakal me)Kisi ko nahi dekha,*

 

*Aisha Razi. Kehti hai Jab Fatima Razi. Nabi ke pass aati to aap Sallallaho Alaihi Wasallam uth kar busha lete(yani chumte) aur Apni jagah par bithate Aur Jab Fatima Razi. Ke pass aate to Fatima uth kar Aap Sallallaho Alaihi Wasallam ko Busha leti aur Aap ko Apni jagah par bithati*

 

*Jab Nabi Sallallaho Alaihi Wasallam bimar hue to Fatima Razi Aai aur Aap par Jhuki Aur Aap ko busha kiya fir apna sir uthaya aur Rone lagi, Fir Aap par Jhuki aur sir uthaya to Hasne lagi*

 

*Pahle To mai ye khayal ki fatima Razi. Ham Aurato me sab se jyada akal wali hai magar iski Hasne par ye smjhi ki ye bhi Aakhir Aam Aurat hi hai yani ye kaun sa Mauka Hasne ka hai*

 

*Fir Jab Nabi  Sallallaho Alaihi Wasallam ki wafat ho gyi to maine isne Pucha ki ye kya baat thi ki mai tumhe dekha ki tum nabi par jhuki fir Sar uthaya to Rone lagi, fir jhuki aur sar uthaya to Hasne?*

*fatima Razi. Ne kaha-"Agar aap ki zindagi me ye baat bta deti to mai ek Aisi Aurat ho jati jo aap ke raaz ko kholne wali hoti, Baat ye thi ye Pahle Aap Sallallaho Alaihi Wasallam ne mujhe is baat ki khabar di ki is bimari me Intekaal kar jane wala ho, Ye sun kar Mai Ro padhi*

*(Wajah Aap Sallallaho Alaihi Wasallam ne batai ki Jibreel Alaihissalam Har saal Quran 1 daur karate the lekin is saal unhone 2 martaba daur kiya hai mujhe yakeen hai ki Ab Meri Maut Kareeb hai-Sahih Bukhari-3624)*

 

*Fir Aap Sallallaho Alaihi Wasallam ne mujhe bataya ki uske ghar walo me sab se pahle mai unse milugi to ye sun kar mai Hasne lagi*

*(Ek hadees me Hasne ki Ek wajah aur Aai hai jaise -"Aap Sallallaho Alaihi Wasallam ne Farmaya-"Maryam Bin Imran ko Chod kar Ahle Jannato ki Tamam Aurato ki Sardar Hogi To Mai Hasne Lagi-Sunan trimizi 3873)*

(SUNAN TRIMIZI HADEES NUMBER -3872)

 

 

*-------------------------*